لو عاينا بالراااحة كده و ركزنا ،
ح نلقى إنو الحياة دي ،
عاملة زي لعبة بازل (تركيب) كبيييرة ..
عبارة عن قطع بتكمل فراغات ،
لحدي ما تكتمل بيها الصورة ..
مرهقة في البداية لأنو بيكون عندك ،
مساحات كبيرة فارغة ،
و خيارات كتيرة عشان تملاها ..
لكن و عشان نكون صادقين مع روحنا ،
بنلقاها ما كلها صالحة للفراغ المحدد ده ..
و دي حاجة ح تكتشفها لي قدام ..
لما تفضل في يدك قطعة واحدة ،
و فراغ يتيم ما بيناسبها ...!!
.
لما توصل مرحلة عدم التناسب دي ،
بيكون لسه برضو عندك مساحة إختيار ..
بين إنك تسيب حياتك كده ،
بي عدم تناسقها ده ..
أو إنك ترجع كم خطوة لي ورا ،
و تفكك القطع اللي لقيت إنو ده ما مكانها ..
عشان ترصها من أول و جديد و تخلق الصورة الصاح ،
اللي انت عايزها و في إمكانك إنك تحصل عليها ...!!
.
الخيار الأول ما بيحتاج منك شي غير إنك ،
تعمل رايح و تكبر دماغك ..
لكن لي قدام ح تتعب بسببه شديد ،
لأنك شاغل مكان حاجات بي أشياء تانية غيرها ..
و ح تتضطر تملأ حتة ده بي ده ،
و تدي قرار ده لي ده ..
و إيييييك ح تغرق في فوضى من أمها ...!!
.
و الخيار التاني صعععب و حار ..
كفاية إنك عارف نفسك ح ترجع لي ورا ،
و ح تعيد حاجات انت عملتها ..
ح تكرر حوارات انت قلتها ،
و ح تعيش نقاشات انت جربتها ..
بس لو قلت بسم الله و فكرت شوية ،
ح تعرف و تتأكد إنك ح تعمل الحاجة دي ،
بسهولة أكبر و دقة أكتر ..
على ضوء خبرة إختياراتك الفاتت ،
و اللي طلعت لسبب ما أو لآخر ما موفقة ...!!
.
المهم :
لما تعاين لي هدفك ،
ح يهون عليك الطريق ...!!
.
المهم شديد :
الخيار ليك ، و الإختيار عليك ..
بس اتذكر إنك انت و حياتك ،
بتستاهلوا التعب الصاح ...!!
ح نلقى إنو الحياة دي ،
عاملة زي لعبة بازل (تركيب) كبيييرة ..
عبارة عن قطع بتكمل فراغات ،
لحدي ما تكتمل بيها الصورة ..
مرهقة في البداية لأنو بيكون عندك ،
مساحات كبيرة فارغة ،
و خيارات كتيرة عشان تملاها ..
لكن و عشان نكون صادقين مع روحنا ،
بنلقاها ما كلها صالحة للفراغ المحدد ده ..
و دي حاجة ح تكتشفها لي قدام ..
لما تفضل في يدك قطعة واحدة ،
و فراغ يتيم ما بيناسبها ...!!
.
لما توصل مرحلة عدم التناسب دي ،
بيكون لسه برضو عندك مساحة إختيار ..
بين إنك تسيب حياتك كده ،
بي عدم تناسقها ده ..
أو إنك ترجع كم خطوة لي ورا ،
و تفكك القطع اللي لقيت إنو ده ما مكانها ..
عشان ترصها من أول و جديد و تخلق الصورة الصاح ،
اللي انت عايزها و في إمكانك إنك تحصل عليها ...!!
.
الخيار الأول ما بيحتاج منك شي غير إنك ،
تعمل رايح و تكبر دماغك ..
لكن لي قدام ح تتعب بسببه شديد ،
لأنك شاغل مكان حاجات بي أشياء تانية غيرها ..
و ح تتضطر تملأ حتة ده بي ده ،
و تدي قرار ده لي ده ..
و إيييييك ح تغرق في فوضى من أمها ...!!
.
و الخيار التاني صعععب و حار ..
كفاية إنك عارف نفسك ح ترجع لي ورا ،
و ح تعيد حاجات انت عملتها ..
ح تكرر حوارات انت قلتها ،
و ح تعيش نقاشات انت جربتها ..
بس لو قلت بسم الله و فكرت شوية ،
ح تعرف و تتأكد إنك ح تعمل الحاجة دي ،
بسهولة أكبر و دقة أكتر ..
على ضوء خبرة إختياراتك الفاتت ،
و اللي طلعت لسبب ما أو لآخر ما موفقة ...!!
.
المهم :
لما تعاين لي هدفك ،
ح يهون عليك الطريق ...!!
.
المهم شديد :
الخيار ليك ، و الإختيار عليك ..
بس اتذكر إنك انت و حياتك ،
بتستاهلوا التعب الصاح ...!!
ليست هناك تعليقات:
إرسال تعليق