حسسره

بتتحسر على نفسك شديد لما تكون فاكر نفسك انت وزولك صاح وانكم بانيين علاقتكم على اسس سليمه ومع كل خلاف تحس انكم غلط ما عشان انتو مختلفين عشان الطريقه الإنتو بتختلفو بيها ، بتتحسر على نفسك لما تكتشف انو علاقتك بتفتقر ﻷبسط المقومات وانك ببساطه كده لسه ما بتعرف تتناقش مع زولك بصوره طبيعيه وسلسه ذي اي اتنين طبيعين ، عايزين يسمعو بعض ويتناقشو ويتشاورو ويتغقو ، واهم حاجه انهم يتفقو دي يتفقو حتي ولو انهم غلط

بتتحسر على روحك شديد لما تكتشف انو زولك عايز يوريك هو عايز منك شنو من دون ما يسمعك ولا يعرفك انت محتاج شنو ..
وفي الوقت الإنت بتكون بتسمع فيهو لحدي الأخر عشان تعرف الجواهو ومستني دورك عشان تقول الجواك بكون هو خلاص طاقتو نفدت وبقى ما عايز يسمع حاجه تاني والمفروض انو باب النقاش يتقفل بترباس ولحدي هنا كفايه ، وانت تخلي كلامك جواك وان شاء الله تموت بيهو ما مشكله ..

بتتحسر على نفسك شديد لما تلقى نفسك لسه بتبرر لي زولك ولسه بتقول ليهو انا ما قصدي كده، انا قاصد كده والمشكله انو ما يصدقك و يفضل يصر على انك لا تقصد حاجه تانيه ):

مبدئيا كده خلونا نتفق انو مافي زول بقدر يعرف دواخل الناس فيها شنو فياريت اننا لما زول يقول لينا حاجه وصلتنا بطريقه غلط وهو وضحها لينا نصدقو طوالي ﻷنو ممكن يكون فعلا الجواهو غير الوصلنا ..