الدنيا ايزي

في نوع كده من الناس ،
حسااااس لمن أهبل و عبيط ..
لو جاء داخل و لقاك صاري وشك ،
طوااالي بيخت في بالو إنك زعلان منو ..
أو إنو هو غلطان في حقك ،
بطريقة ما أو بأخرى ...!!
.
اها النوع ده احب اقول ليهو حاجة واااحدة ..
لما تتخت في موقف زي ده ،
و يبدأ عرق الحساسية يشتغل و ينقح عليك ،
اتذكر إنك ما محور الكون ..
و إنو ما لازم كل الحاجات ،
سواء كانت كويسة ولا كعبة ،
يكون ليها أي علاقة بيك ...!!
.
كل الناس عندها مشاكل و مشاغل و ظروف ،
حتى انت ..
و مرات كتيرة بتكون قافلة معاك ،
لي أسباب انت زاااتك ما عارفاها ..
و قد تكون بس تراكمات حاجات ،
أو تفاصيل صغيرة سوء التوقيت ،
أداها أكبر من حجمها ..
عشان كده حاولوا ما تحملوا نفسكم ،
فوق لي طاقتها ، توهمات .
عيش الدنيا ايزي ياعزيزي
.