الدين المعامله

لو كان الناس بتتعظ من موقف واحد ماكان احتجنا لى اننا نديهم فرصة واتنين وعشرة فماف داعي نفترض انو كل الناس مفروض ماتغلط فينا...
ولو كان ربنا خلقنا عشان نكون كاملين ماكان خلق فينا الخطأ ولا الشر ولا السئي كان خلقنا ملائكة ...
ولو كان الناس المفروض انها ماتخطئي ماكان فتح باب التوبة ..

م المشكلة حوالينك ناس كعبة لانو حتعرف قيمة نفسك وتتعلم الصبر والصبر باب من ابواب الجنة..
وم مشكلة حولك ناس مابفهمو لانك حتحمد ربنا على نعمة العقل
ولا مشكلة انو ناس حاسدنك الحاسد يحسد والرازق يرزق
ولا مشكلة حتى انك مالاقي زول يفهمك ويريحك لانك حتلجأ لي ربنا
الفكرة انو نفهم اننا بنغلط والناس بتغلط ونسامح ويسامحونا والدنيا تمشي
والفكرة انو نتعلم نتعامل كويس مع اى زول حتى لو كان اسؤا زول فى حياتك
والفكرة انو اى صبر اي كتم غيظ اي ظلم اي بلاء اي جرح اى ضغوطات اى نكران اى خزلان اي ابتلاء اي مرض اي مسئولية اي ناس مضدادنك اي ناس بي وشين حتلقي قدام اجرررر وفى الدنيا تاديب وتعليم للنفس
‫ كويس في الدنيا بقدر الامكان وترمي وراء ضهرك وتبتسم رغم كل شي تريح نفسك وضميرك وتعيش مرتاح ومتوكل على ربنا لي درجة لما تجيك حاجة سيئة اوبلاء او اى كربة تقول الحمممممممد لله
مش الحمدلله لانك راضي وبس
الحمد لله لانك راضي ومبسوط انو كدة ربنا حيقربك لي اكتر
وانك واثق انو بعد العسر يسر
وحسن ظن لدرجة انك بعد العسر بكل ثقة تستني الفرج ومتاكد انو جاي جاي
وكدة تجمع سعادة االدارين ان شاء الله