ﻭ ﺭﻗﻢ ﺍﻟﺘﻠﻔﻮﻥ ﺍﻟﺒﺘﻤﺴﺤﻮ ﻣﻦ ﺗﻠﻔﻮﻧﻚ ﻋﺸﺎﻥ ﻋﺎﻳﺰ ﺗﻘﻨﻊ ﻧﻔﺴﻚ ﺍﻧﻚ
ﺷﻠﺖ ﺳﻴﺪﻭ ﻣﻦ ﺟﻮﺍﻙ ،ﺑﺲ ﺍﻟﻤﺸﻜﻠﻪ ﺍﻧﻮ ﺍﻟﺮﻗﻢ ﺩﺍ ﺑﺎﻟﺘﺤﺪﻳﺪ ﺑﺘﻜﻮﻥ
ﺣﺎﻓﻈﻮ ﺍﻛﺘﺮ ﻣﻦ ﺣﻘﻚ ، ﻭﺍﻟﻤﺸﻜﻠﻪ ﺍﻷﻛﺒﺮ ﺍﻧﻮ ﺑﻜﻮﻥ ﻧﻔﺴﻚ ﺗﻨﺴﺎﻫﻮ
ﻭﺑﺘﻜﺘﺸﻒ ﺍﻧﻚ ﻧﺴﻴﺖ ﻛﻞ ﺍﻷﺭﻗﺎﻡ ﺍﻟﺘﺎﻧﻴﻪ ﻣﺎ ﻋﺪﺍ ﺍﻟﺮﻗﻢ ﺩﺍ ): ): ..
# ﺗﻔﺎﺻﻴﻞ
ﺭﻗﻢ ﺣﺎﻓﻈﻮ ﻋﻦ ﻇﻬﺮ ﻗﻠﺐ ، ﺑﺤﺴﺴﻚ ﻗﺪﺭ ﺷﻨﻮ ﺍﻧﺖ ﺯﻭﻝ ﺿﻌﻴﻒ
ﻭﻏﺒﻲ ﻭﺑﺨﻠﻴﻚ ﺗﻌﻤﻞ ﺣﺎﺟﺎﺕ ﻣﺎ ﻧﻔﺴﻚ ﺗﻌﻤﻼ ، ﺫﻱ ﺇﻧﻚ ﺗﺘﺼﻞ ﻭﺍﻧﺖ
ﻣﺎ ﻋﻨﺪﻙ ﻛﻼﻡ ﻣﻌﻴﻦ ﻋﺎﻳﺰ ﺗﻘﻮﻟﻮ ، ﺍﻭ ﺫﻱ ﺍﻧﻚ ﺗﺘﺼﻞ ﻭﺍﻧﺖ ﻋﺎﺭﻑ
ﻭﻣﺘﺄﻛﺪ ﺍﻧﻮ ﺍﻟﺰﻭﻝ ﺩﺍ ﻣﺎ ﺡ ﻳﺮﺩ ﻋﻠﻴﻚ ﻟﻜﻦ ﺑﺮﺿﻮ ﺑﺘﻔﻀﻞ ﺗﻬﺒﻞ ﺑﻲ
ﻧﻔﺴﻚ ﻭﺑﺘﺘﺼﻞ ، ﻭﺍﻟﻐﺮﻳﺒﻪ ﺍﻧﺖ ﻣﺎ ﺑﺘﻜﻮﻥ ﻋﺎﺭﻑ ﻧﻔﺴﻚ ﺑﺘﻌﻤﻞ ﻛﺪﻩ ﻟﻴﻪ
، ﻭﺑﺘﺤﻠﻒ ﺗﻘﻮﻝ ﺩﻱ ﺍﺧﺮ ﻣﺮﻩ ﺍﻋﻤﻞ ﻓﻴﻬﺎ ﻛﺪﻩ ، ﻭﻣﺎ ﺑﺘﻔﻮﺕ ﺍﻝ 5 ﺩﻗﺎﻳﻖ
ﻭﺑﺘﺮﺟﻊ ﺗﺎﻧﻲ ﺗﻌﻴﺪ ﺍﻟﻜﺮﻩ ):
ﺭﻗﻢ ﺑﺘﻤﺴﺤﻮ ﻭﺑﺘﺴﺠﻠﻮ ﺗﺎﻧﻲ ، ﻭﺑﺘﺮﺟﻊ ﺗﻤﺴﺤﻮ ﻭﺗﺴﺠﻠﻮ ﻟﻠﻤﺮﻩ ﺍﻟﻤﻴﻪ
ﻋﺸﺎﻥ ﺑﺲ ﺑﺘﻜﻮﻥ ﻋﺎﻳﺰ ﺗﺸﻮﻑ ﺣﺎﻟﺘﻮ ﻓﻲ ﺍﻟﻮﺍﺗﺴﺎﺏ ﺍﻭ ﺍﺧﺮ ﻇﻬﻮﺭ
ﻟﻴﻬﻮ ﻣﺘﻴﻦ ، ﺑﺘﻤﺸﻲ ﺗﺘﺎﻭﻕ ﻟﻴﻬﻮ ﻭﺗﺠﻲ ﺭﺍﺟﻊ ، ﻭﻏﻴﺮ ﺍﻧﻚ ﺑﺘﻮﺟﻊ ﻓﻲ
ﻗﻠﺒﻚ ﻣﺎ ﺑﺘﻜﻮﻥ ﺍﺳﺘﻔﺪﺕ ﺍﻱ ﺣﺎﺟﻪ ):
ﻓﺠﺄﻩ ﻛﺪﻩ ﻣﺮﺍﺕ ﺑﺘﻠﻘﻰ ﻧﻔﺴﻚ ﻓﻲ ﻛﻞ ﻣﺮﻩ ﺳﺠﻠﺖ ﻓﻴﻬﺎ ﺍﻟﺮﻗﻢ ﺳﺠﻠﺘﻮ
ﺑﺈﺳﻢ ﻣﺨﺘﻠﻒ ، ﻋﻠﻰ ﺣﺴﺐ ﺍﺣﺴﺎﺳﻚ ﺑﻴﻬﻮ ﻓﻲ ﺍﻟﻠﺤﻈﻪ ، ﻭﺑﺘﺼﻞ
ﻟﻤﺮﺣﻠﺔ ﺍﻧﻚ ﺑﺘﺴﺠﻠﻮ باسمك ﺍﺍﺍﻱ ﻭﺍﻟﻠﻪ ﺑﺈﺳﻤﻚ ﺍﻧﺖ ﺫﺍﺗﻚ
ﻭﺍﻟﺴﺒﺐ ﺷﻨﻮ ﺍﻧﺖ ﻣﺎ ﻋﺎﺭﻑ ﻭﻻ ﺑﺘﻜﻮﻥ ﻋﺎﻳﺰ ﺗﻌﺮﻑ ، ﻋﺸﺎﻥ ﻓﻲ
ﺣﺎﺟﺎﺕ ﺣﺮﻓﻴﺎ ﻛﺪﻩ ﻣﺎ ﻋﻨﺪﻫﺎ ﺗﻔﺴﻴﺮ ..
ﻣﺮﺍﺕ ﺑﺘﻘﻌﺪ ﻣﻊ ﻧﻔﺴﻚ ﻭﺑﺘﻜﺘﺸﻒ ﻏﺒﺎﺋﻚ ﻭﺑﺘﺤﻠﻒ ﺍﻻ ﺗﺘﺤﻜﻢ ﻓﻴﻬﻮ ،
ﻭﻋﺸﺎﻥ ﻣﺎ ﺗﺘﺼﻞ ﻋﻠﻰ ﺍﻟﺮﻗﻢ ﺍﻟﻤﺎﻗﺎﺩﺭ ﺗﻨﺴﺎﻫﻮ ﺩﺍ ، ﺑﺘﻌﻤﻞ ﺷﻨﻮ ؟؟؟
ﺑﺘﺒﻄﻞ ﻳﻜﻮﻥ ﻋﻨﺪﻙ ﺭﺻﻴﺪ ﻓﻲ ﺗﻠﻔﻮﻧﻚ ، ﻭﺑﺘﻘﻮﻡ ﺗﻌﻤﻞ ﺷﻨﻮ ﺗﺎﻧﻲ ،
ﺑﺘﺸﻴﻞ ﺗﻠﻔﻮﻥ ﺯﻭﻝ ﻏﻴﺮﻙ ، ﺍﺧﺘﻚ ﺍﺧﻮﻙ ﺻﺤﺒﻚ ﺻﺤﺒﺘﻚ ﻭﺑﺘﺘﺼﻞ
ﻣﻨﻮ ﻳﻌﻨﻲ ﺑﺈﺧﺘﺼﺎﺭ ﻛﺪﻩ ﻣﺎ ﻋﻤﻠﺖ ﺍﺍﻱ ﺷﻲ
# ﺯﻣﻦ_ﺇﺿﺎﻓﻲ
ﻛﻞ ﻭﺍﺣﺪ ﻓﻴﻨﺎ ﻋﻨﺪﻭ ﺭﻗﻢ ﻣﺤﻔﻮﻅ ﻓﻲ ﺫﺍﻛﺮﺓ ﻗﻠﺒﻮ ﻧﻔﺴﻮ ﻳﺼﺒﺢ ﻋﻠﻴﻬﻮ
ﺻﺒﺎﺡ ﻭﻳﻜﻮﻥ ﻳﻨﺴﺎﻫﻮ ﺑﻐﺾ ﺍﻟﻨﻈﺮ ﻋﻦ ﺍﻷﺳﺒﺎﺏ ، ﻟﻜﻦ ﺍﻟﺮﻗﻢ ﺩﺍ
ﺑﺎﻟﺬﺍﺍﺍﺍﺕ ﻻ ﺑﺘﻤﺴﺢ ﻣﻨﻚ ﻭﻻ ﺑﺮﻭﺡ ﻟﻴﻚ ﺣﺘﻰ ﻟﻮ ﻋﻤﻠﺖ ﻟﻲ ﻧﻔﺴﻚ
ﺿﺒﻂ ﺍﻟﻤﺼﻨﻊ ..
ﻋﺸﺎﻥ ﻛﻞ ﻣﺎ ﺗﻔﻜﺮ ﻓﻲ ﺍﻧﻚ ﻋﺎﻳﺰ ﺗﻨﺴﻰ ﺣﺎﺟﻪ ﻣﻌﻴﻨﻪ ﺡ ﺗﺘﺬﻛﺮﻫﺎ ﺑﻲ
ﺯﻳﺎﺩﻩ
ليست هناك تعليقات:
إرسال تعليق